Qui sont tout ces empereurs dans les Centuries. Nostradamus a-t-il vraiment prévu la montée de Napoléon, ou s’agit-il d’empereurs romains ?
Empereur Napoléon (éventuellement)
Nombre d'interprêtes s'accordent pour voir là des quatrains se référant à Napoléon.
1.60 Napoléon
Vn Empereur naistra pres d'Italie,
Qui a l'Empire sera vendu bien cher,
Diront auecques quels gens il se ralie
Qu'on trouuera moins prince que boucher.
8.1 Napoléon
Pav, Nay, Loron plus feu qu'à sang fera,
Laude nager, fuir grand aux surrez :
Les agassas entree refusera,
Pampon, Durance les tiendra enserez
8.99 Napoléon
Par la puissance des trois Rois temporels,
En autre lieu sera mis le sainct Siege :
Où la substance de l'esprit corporel,
Sera remis & receu pour vray Siege.
10.32 Napoléon
Le grand empire chacun an deuoit estre,
Vn sur les autres le viendra obtenir :
Mais peu de temps sera son reigne & estre,
Deux ans aux naues se pourra soustenir.
Empires et empereurs à identifier
5.45 Grand Empire
Le grand Empire sera tost désolé,
Et translaté pres d'arduenne silue,
Les deux bastards par l'aisné décollé,
Et regnera Aenobarb nez de milue. [ Aenobarbe nay ]
1.32 Le grand empire
Le grand empire sera tost translaté
En lieu petit qui bien tost viendra croistre :
Lieu bien infime d'exigue comté
Ou au milieu viendra poser son sceptre
5.95 Grand Empire
Nautique rame inuitera les vmbres,
Du grand Empire Lors viendra conciter :
La mer Aegee des lignes les encombres
Empeschant l'onde Tirrenne defflottez.
6.3 Fleuve, Empire
Fleuue qu'esprouue le nouueau nay Celtique
Sera en grande de l'Empire discordes
Le ieune prince par gent ecclesiastique,
Ostera le sceptre coronal de concorde.
6.23 Grand Empire
D'esprit de regne munismes descriés,
Et seront peuples esmeuz contre leur Roy,
Paix, fait nouueau, sainctes loix empirees,
Rapis onc fut en si tresdur arroy.
6.67 Grand empire
Au grand Empire paruiendra tout vn autre,
Bonté distant plus de felicité :
Regi par vn issu non Loing du peautre,
corruer regnes grande infelicité.
8.57 Eglise au pire, Empire d'un soldat simple
De soldat simple paruiendra en empire,
De robbe courte paruiendra à la longue :
Vaillant aux armes en Eglise ou plus pyre,
Vexer les prestres comme l'eau fait l'esponge.
1.74 Empire, noir
Apres seiourné vogueront en Epire :
Le grand secours viendra vers Antioche,
Le noir poil crespe tendra fort à l'empire :
Barbe d'ærain le roustira en broche.
3.28 Empire femme
De terre foible & pauure parentele,
Par bout & paix paruiendra dans l'empire.
Long temps regner vne ieune femele,
Qu'oncq en regne n'en suruint vn si pire.
3.93 Paris, Chef de l'Empire
Dans Auignon tout le chef de l'empire
Fera arrest pour Paris desolé :
Tricast tiendra l'Annibalique ire :
Lyon par change sera mal consolé.
3.59 Empire barbare
Barbare empire par le tiers vsurpé
La plus grand part de son sang metra à mort :
Par mort senile par Luy le quart frapé,
Pour peur que sang par le sang ne soit mort.
4.39 Empire arabe
Les Rodiens demanderont secours
Par le neglet de ses hoyrs delaissée.
L'empire Arabe reualera son cours
Par Hesperies la cause redressée.
8.65 Empire vingt mois
Le vieux frustré du principal espoir,
Il paruiendra au chef de son empire :
Vingt mois tiendra le regne à grand pouuoir,
Tiran, cruel en delaissant vn pire.
9.18 Electeur de l'empire
Le lys Dauffois portera dans Nansi,
Iusques en Flandres electeur de l'Empire
Neufue obturee au grand Montmorency,
Hors lieux prouuez deliure à clere peyne.
8.20 Empire élection fainte
Le faux message par election feinte,
Courir par vrben rompue pache arreste :
Voix acheptee, de sang chappelle teinte,
Et à vn autre l'empire contraicte.
9.45 Paris, Empire Mendosus
Ne sera soul iamais de demander,
Grand Mendosus obtiendra son empire :
Loing de la cour fera contremander
Pymond, Picard, Paris Tyrron le pire.
10.34 Empire gaulois, beau-frère
Gaulois qu'empire par guerre occupera,
Par son beau frere mineur sera trahy :
Par cheual rude voltigeant trainera.
Du fait le frere long temps sera Hay.
10.87 Empire de la mort
Grand Roy viendra prendre port pres de Nisse,
Le grand empire de la mort si enfera
Aux Antipolles, posera son genisse,
Par mer la Pille tout esuanouyra.
1.43 Changement d'Empire
Auant qu'auienne le changement d'empire,
Il auiendra vn cas bien merueilleux,
Le champ mué, le pillier de porphyre
Mis, translaté sus le rochier noilleux.
10.93 Empire transféré, colonne
La barque Neufue receura les voyages,
Là & aupres transfereront l'Empire :
Beaucaire, Arles retiendrons les hostages,
Pres deux colomnes trouuees de porphire.
3.92 Empire translaté
Le monde proche du dernier periode,
Saturne encor tard sera de retour :
Translat empire devers nation Brodde :
L'œil arraché à Narbon par Autour.
4.65 empereur condamné
Au deserteur de la grand forteresse,
Apres qu'aura son lieu abandonné,
Son aduersaire fera [ si ] grand proüesse,
L'empereur tost mort sera condamné.
5.6 empereur pacifique
Au Roy l'Augur sur le chef la main mettre,
Viendra prier pour la paix Italique :
A la main gauche viendra changer le sceptre,
Du Roy viendra Empereur pacifique.
