L'Italie est le second pays le plus traité des Centuries. Nostradamus a entrepris 3 voyages au moins dans la péninsule italique. Comme un nombre important d'intellectuels de son époque, il était attiré par l'art renaissant. C'est néanmoins l'histoire de Rome qui le fascinait avant toutes autres choses et qui a au mieux servi son inspiration prophétique.
Les mots-clef identifiés ont servi à regrouper les quatrains.
Italie en général
3.68 Italie
Peuple sans chef d'Espagne & d'Italie
Morts, profligés dedans le Cherronnesse :
Leur duyct trahi par legiere folie
Le sang nager par tout à la trauerse.
10.24 Italie
Le captif prince aux Itales vaincu
Passera Gennes par mer iusqu'à Marceille,
Par grand effort des forains suruaincu
Sauf coup de feu, barril liqueur d'abeille.
A6610 Italie
Iusqu'à ce mois durer la seicheresse grande,
A l'Itale & Prouence: des fruits tous à demy:
Le grand moins d'ennemis: prisonnier de leur bande:
Aux escumeurs pyrates, & mourir l'ennemy.
Rome
10.65 Lettres - les écrits font détruire Rome
O vaste Rome, ta ruyne s'approche,
Non de tes murs, de ton sang & substance
L'aspre par lettres fera si horrible coche
fer pointu mis à tous iusques au manche.
5.22 Effrayeur de l'armée étrangère, Chute de Rome
Auant, qu'a Rome grand aye rendu l'ame
Effrayeur grande à l'armee estrangere
Par esquadrons l'embusche pres de Parme,
Puis les deux rouges ensemble feront chere.
5.32 Associer à chute de Rome
Où tout bon est, tout bien Soleil & lune,
Est abondant, sa ruine s'approche.
Du ciel s'auance vaner ta fortune, [ varier ]
En mesme estat que la septiesme roche.
5.99 Lyon, Rome, Vieux Britanique
Milan, Ferrare, Turin, & Aquilleye,
Capue, Brundis Vexez par gent Celtique :
Par le Lyon & phalange Aquilee
Quant Rome aura le chef vieux Britannique.
9.33 Rome, Premier monarque, trois
Hercules Roy de Rome & d'Annemarc,
De Gaule trois Guion surnommé,
Trembler l'Italie & l'vnde de sainct Marc,
Premier sur tous monarque renommé.
10.18 Rome, Lorrain
Le rang Lorrain fera place à Vendosme,
Le haut mis bas, & le bas mis en haut,
Le fils d'Hamon sera esleu dans Rome,
Et les deux grands seront mis en defaut.
9.41 Rome, Chyrenc
Le grand chyren soy saisir d'Auignon,
De Rome lettres en miel plein d'amertume
Lettre ambassade partir de Chanignon,
Carpentras pris par duc noir rouge plume.
H091 Rome antique, Aquilon, Grand conflit
Venise en apres en grande force & puissance leuera ses aisles si treshaut, ne distant gueres aux forces de l’antique Rome. Et en iceluy temps grandes voyles Bisantines associees aux Ligustiques par l’appuy & puissance Aquilonaire, donnera quelque empeschement que des deux Cretenses ne leur sera la foy tenueë.
9.3 Rome, Ravennes, deux monstres
La magna vaqua à Rauenne grand trouble,
Conduicts par quinze enserrez à Fornase :
A Rome naistra deux monstres à teste double
Sang, feu, deluge, les plus grands à l'espase.
8.9 Rome, aigle unis au coq
Pendant que l'aigle & le coq à Sauone
Seront vnis, Mer, Levant & Ongrie,
L'armee à Naples, Palerme, Marque d'Ancone,
Rome, Venise par Barbe horrible crie.
6.28 Rome, exilé, grand pasteur, grand celtique
Le grand Celtique entrera dedans Rome,
Menant amas d'exilez & bannis :
Le grand Pasteur mettra à mort tout homme,
Qui pour le coq estoyent aux Alpes vnis.
5.22 Effrayeur de l'armée étrangère, Chute de Rome
Auant, qu'a Rome grand aye rendu l'ame
Effrayeur grande à l'armee estrangere
Par esquadrons l'embusche pres de Parme,
Puis les deux rouges ensemble feront chere.
5.46 Rome lésée, Eslu le Sabinois
Par chapeaux rouges querelles & nouueaux scismes [ qrelles ]
Quand on aura esleu le Sabinois :
On produira contre Luy grands sophismes,
Et sera Rome lesee par Albanois.
6.68 Rome vexée
Lors que soldats fureur seditieuse,
Contre leur chef feront de nuict fer luire :
Ennemy d'Albe soit par main furieuse,
Lors vexer Rome, & principaux seduire.
A5802 Gaulois entrer dans Rome
Latins esmeux, Gallots dans Rome entrez
Mars par trois pars fureur ouvrira veine
Gennes a faim, ligueurs mal accoustrés
Trembler l'Insubre, Nive et la demi-laine.
10.64 Colonne - association à la colonne Trajan, Pleure - liste de lieux affectés
Pleure Milan, pleure Luques, Florence,
Que ton grand duc sur le char montera,
Changer le Siege pres de Venise s'aduance,
Lors que Colonne à Rome changera.
10.78 Joie à Rome
Subite ioye en subite tristesse,
Sera à Rome aux graces embrassees :
Dueil, bris, pleurs. larm. sang, excellent liesse [ cris ]
Contraires bandes surprinses & troussees.
9.33 Rome, Premier monarque, trois
Hercules Roy de Rome & d'Annemarc,
De Gaule trois Guion surnommé,
Trembler l'Italie & l'vnde de sainct Marc,
Premier sur tous monarque renommé.
3.43 Rome, Monts Apennines, tombeau, noir
Gents d'alentour de Tarn, Loth, & Garonne,
Gardés les monts Apennines passer,
Vostre tombeau pres de Rome & d'Anconne
Le noir poil crespe fera trophée dresser.
4.98 Rome, albanais, manque d'eau sécheresse ou poison - classer
Les Albanois passeront dedans Rome,
Moyennant Langres demipler affublez, [ de miples ]
Marquis & duc ne pardonnes à homme,
Feu, sang, morbiles, point d'eau faillir les bleds. [ blés ]
5.30 Assault, Rome, Paris
Tout à l'entour de la grande cité,
Seront soldats logez par champs & villes.
Donner l'assaut Paris Rome incité,
Sur le pont Lors sera faicte, grand pille.
5.62 guerre à Rome, Orient
Sur les rochers sang on verra pleuuoir,
Sol Orient Saturne Occidental :
Pres d'Orgon guerre à Rome grand mal voir,
nefs parfondrees, & prins [ le ] Tridental.
6.6 Mort à Rome du grand
Apparoistra vers le Septentrion
Non loin de Cancer l'estoille cheuelue :
Suze, Sienne, Boëce, Eretrion,
Mourra de Rome grand, la nuict disparue.
6.20 Liepart à Rome, feincte
L'vnion feincte sera peu de duree ,
Des vns changez reformez la pluspart :
Dans les vaisseaux sera gent endurée,
Lors aura Rome un nouveau Liepart.
10.20 Peuple romain
Tous les amis qu'auront tenu party,
Pour rude en lettres mis mort & saccagé,
Biens publiez par fixe grand neanty,
onc Romain peuple ne fut tant outragé.
Florence, Turin et Gênes, Venise, Vicense...
3.74 Florence, Naples
Naples, Florence, Fauence & Imole,
Seront en termes de telle facherie,
Que pour complaire aux malheureux de Nolle,
Plainct d'auoir fait à son chef moquerie.
6.36 Florence
Ne bien ne mal par bataille terrestre,
Ne paruiendra aux confins de Perouse,
Rebeller Pise, Florence voir mal estre,
Roy nuict blessé sur mulet à noire house.
6.48 Florence, Parme
La saincteté trop feinte & seductiue,
Accompagné d'vne langue diserte :
La cité vieille, & Parme trop hastiue,
Florence & Sienne, rendront plus desertes.
6.77 Florence
Par la victoire du deceu fraudulente,
Deux classes vne, la reuolte Germaine,
Le chef meurtry & son fils dans la tente,
Florence, Imole pourchassez dans Romaine.
7.32 Florence, Milan
Du mont Royal naistra d'vne casane,
Qui caue, & compte viendra tyranniser :
Dresser copie de la marche Millane,
Fauene, Florence d'or & gens espuiser.
8.7 Florence, Milan
Verceil, Milan donra intelligence
Dedans Tycin sera faicte la paye, [ playe ]
Courir par Saine eau, sang, feu par Florence,
Vnique cheoir d'haut en bas faisant maye.
10.33 Florence
La faction cruelle à robe longue,
Viendra cacher Souz les pointus poignards,
Saisir Florence le duc & lieu diphlongue,
Sa descouuerte par immeurs & flaugnards.
4.90 Florence, Milan
Les deux copies aux murs ne pourront ioindre,
Dans cest instant trembler Milan, Ticin :
Faim, soif, doutance, si fort les viendra poindre
Chair, pain, ne viures n'auront vn seul boucin.
6.87 Milan, Frankfort
L'election faicte dans Frankfort,
N'aura nul lieu, Milan s'opposera :
Le sien plus proche semblera si grand fort,
Qu'outre le Rhin és mareschs chassera.
8.12 Milan
Apparoistra aupres de Buffalorre
L'haut & procere entré dedans Milan,
L'abbé de Foix auec ceux de sainct Morre
Feront la forbe habillez en vilan.
9.95 Milan
Le nouueau faict conduira l'exercite,
Proche apamé iusqu'aupres du riuage :
Tendant secours de Millannoile eslite,
duc yeux priué à Milan fer de cage.
1.11 Naples, Sicile
Le mouuement de sens, cueur, pieds, & mains
Seront d'acord. Naples, Leon, Secille,
Glaifues, feus, eaux : Puis aux nobles Romains
Plongés, tués, mors par cerueau debile.
5.43 Naples, Sicile, Cologne
La grand'ruine des sacrez ne s'eslongne,
Prouence, Naples, Sicille, seez & Ponce,
En Germanie, au Rhin & la Cologne,
Vexez à mort par tous ceux de Magonce.
7.6 Naples, Sicile, Palerme
Naples Palerme, & toute la Sicille,
Par main Barbare sera inhabitee :
Corsique, Salerne & de Sardeigne l'Isle,
Faim, peste guerre, fin de maux intentee.
2.4 Sicile
Depuis Monech iusques au pres de Secile
Toute la plage demourra desolée,
Il ny aura fauxbourg, cité, ne vile
Que par Barbares pillée soit & vollée.
8.84 Sicile
Paterne orra de la Sicile crie,
Tous les aprests du goulphre de Trieste,
Qui s'entendra iusque à la trinacrie,
De tant de voiles fuy, fuy l'horrible peste.
8.88 Sardeigne
Dans la Sardeigne vn noble Roy viendra,
Qui ne tiendra que trois ans le royaume.
Plusieurs couleurs auec soy conioindra,
Luy mesme apres soin sommeil marrit scome.
5.100 Turin, Saxe
Le boute feu par son feu attrapé,
Du feu du ciel à Carcas & Cominge :
Foix, Aux, Mazere, haut vieillart eschappé,
Par ceux de Hesse des Saxons & Turinge.
7.27 Turin
Au cainct de Vast la grand caualerie,
Proche à Ferrage empeschee au bagage :
Prompt à Turin feront tel volerie,
Que dans le fort rauiront leur hostage.
7.39 Chef des armées françaises
Le conducteur de l'armee Françoise,
cuidant perdre le principal phalange :
Par sus paué de l'auaigne & d'ardoise,
Soy parfondra par Gennes gent estrange.
2.3 Gennes
Pour la chaleur solaire sus la mer
De Negrepont les poissons demis cuits :
Les habitants les viendront entamer
Quand Rod. & Gennes leur faudra le biscuit
5.64 Gennes
Les assemblez par repos du grand nombre
Par terre & mer conseil contremandé :
Pres de l'Autonne Gennes, nice de l'ombre,
Par champs & villes le chef contrebandé.
A5803 Gennes
Vaine rumeur dedans la hierarchie,
Rebeller Gennes : courses, insults, tumultes,
Au plus grand Roy sera la monarchie,
Election, conflict, couuerts, sepultes.
9.42 Gennes, Venise
De Barcellonne, de Gennes & Venise
De la Secille peste Monet vnis :
Contre Barbare classe prendront la vise,
Barbar poussé bien Loing iusqu'à Thunis.
4.1 Venise
CELA du reste de sang non espandu :
Venise quiert secours estre donné :
Apres auoir bien long temps attendu.
Cité liurée au premier corn sonné.
4.6 Venise
D'habits nouueaux apres faicte la treuue,
Malice tramme & machination :
Premier mourra qui en fera la preuue
Couleur venise insidiation.
8.11 Venise
Peuple infiny paroistra à Vicence
Sans force, feu brusler la basilique :
Pres de Lunage desfait grand de Valence,
Lors que Venise par morte prendra pique.
8.33 Venise, Verone, Vincence
Le grand naistra de Veronne & Vincence,
Qui portera vn surnom bien indigne
Qui à Venise voudra faire vengeance,
Luy mesme prins homme du guet & signe.
9.28 Venise
Voile Symacle port Massiliolique,
Dans Venise port marcher aux Pannons :
Partir du goufre & sinus Illirique,
Vast à Socile, Ligurs coups de canons.
1.12 Veronne
Dans peu dira faulce brute, fragile,
De bas en hault esleué promptement :
Puys en instant desloyale & labile
Qui de Veronne aura gouuernement
3.75 Veronne, Vicense,Sarragosa
P A. V. Veronne, Vicence, Sarragousse
De Glaifues loings terroirs de sang humides :
Peste si grande viendra à la grand gousse
Proches secours, & bien Loing les remedes.
4.78 Parme
La grand'armee de la pugne ciuile,
Pour de nuict Parme à l'estrange trouuee,
septante neuf meurtris dedans la ville,
Les estrangers passez tous à l'espee.
